Молитва священномученику Киприану от воздействия на детей бесовских сил
О, святый угодниче Божий священномучениче Киприане, скорый помощниче и молитвенниче всем к Тебе прибегающим. Прими от нас недостойных, хваление наше, испроси у Господа Бога в немощех укрепление, в печалех утешение и всем вся полезная в жизни нашей, вознеси ко Господу благомощную Твою молитву, да оградит нас от падений наших греховных, да научит нас истинному покаянию, да избавит нас от пленения диавольского и всякаго действа духов нечистых, и избавит от обидящих нас. Буди нам крепкий поборник на вся враги видимая и невидимая. Подаждь нам терпение в искушениях, и в час кончины нашея яви нам заступление от истязателей на воздушных мытарствах наших. Да водимии Тобой, достигнем горнего Иерусалима и сподобимся в Небеснем Царствии со всеми святыми славити и воспевати Пресвятое имя Отца и Сына и Святаго Духа во веки веков. Аминь.