Белыничская икона Божией Матери
(празднование 25 апреля)
Белыничская икона Божией Матери чудесно явлена в XVI в. Исходящий от нее свет делал ночи белыми, от чего вновь образованное поселение получило название Белыничи («белые ночи»). Первоначально икона находилась в храме мужского православного монастыря на Днепре. После заключения Брестской унии икона перешла к католикам и была поставлена в костеле Белыничского католического монастыря, основанного в 45 верстах от Могилева на берегу реки Други.
В 1832 г. после польского восстания монастырь был упразднен, а костел действовал как приходской храм. В 1876 году он был передан православным с восстановлением монастыря. 12 апреля того же года в том храме была совершена первая Божественная литургия на освященном православным епископом престоле в честь Рождества Пресвятой Богородицы. После революции Белыничский монастырь был закрыт, чудотворная икона пропала. В настоящее время в построенном в городке Белыничи храме в честь Белыничской иконы Божией Матери находится чтимый список древней иконы. Белыничская икона Божией Матери является общей святыней христианского мира.
Молитва Пресвятой Богородице пред иконой Ее Белыничская
О всемилостивая Госпоже Царице Богородице, от всех родов избранная и всеми роды земными и небесными ублажаемая! Припадаем, поклоняемся Тебе и смиренно молим Тя: воззри милостиво на предстоящия пред святым образом Твоим чудотворным, и приими молитвы, со слезами Тебе приносимыя от нас, недостойных рабов Твоих, и к Твоему образу пение возсылаемое со умилением, яко Тебе Самой ту сущей, послушающей и подающей с верою просящим по коемуждо прошению исполнение. Ты, именуемая Всех скорбящих Радость, услыши нас, скорбных. Ты, называемая Утоли моя печали, утоли нашу печаль. Ты, купино неопалимая, сохрани мир и всех нас от вредоносных огненных стрел врага. Ты, взыскание погибших, не попусти нам погибнути в бездне грехов наших. Ты, Одигитрие, укажи нам правый путь ко спасению. Ты, неувядаемый цвете чистоты, даждь нам помощь, немощным плотскою страстию, и уцеломудри нас. Ты, боголюбивая скоропослушнице, услыши в час сей молитву нашу. Ты, заступница усердная, Мати Господа Вышняго, Ты, наша Мати и надеждо, облегчи скорбь нашу, немощным здравие даруй, разслабленных и недужных исцели и от одра болезни возстави. От бесных бесы отгони, обидимых от бед избави, вдов защити, грешныя прости, прокаженныя очисти, слепым зрение даруй, старость поддержи, юныя настави, малыя дети помилуй, неплодны от неплодства разреши, в семействах мир утверди, путешествующим спутешествуй, православным христианом на враги победу и одоление даруй, ереси и расколы изкорени, отпадшия от благочестивыя веры на путь правый обрати, страну нашу миром огради, земли плодородие даруй, всех же нас от внезапныя смерти сохрани и всякия многоразличныя страсти уврачуй, вся бо возможеши ходатайством к Сыну твоему Христу Богу нашему.
О всепетая Мати, Пресвятая Дево Богородице, не престани молитися о нас, недостойных, и к пречистому образу Твоему со умилением припадающих и со страхом и любовию на сей взирающих, яко живей Ти сущей. Услыши нас, Владычице, на Тя по Бозе едину надежду имущих. Прежде отшедшия отцы и матери, братия и сестры наша упокой в селениих святых, в месте светле, в месте злачне, в месте покойне, идеже несть печаль и воздыхание. Егда же приспеет и наше от жития сего отшествие и к вечней жизни преселение, предстани нам, преблагословенная надеждо наша, даруй нам христианскую кончину живота нашего, безболезненну, непостыдну, мирну и Святых Тайн причастну, да в будущем веце сподобимся вси купно со всеми святыми безконечныя блаженныя жизни во царствии возлюбленнаго Сына Твоего Иисуса Христа, Емуже подобает всякая слава, честь и поклонение со Безначальным Его Отцем и Пресвятым, и Благим, и Животворящим Его Духом ныне и присно и во веки веков.
Аминь.